Shillong, Jylliew 27
U nongïalam ka liang pyrshah ha ïingdorbar Khasi Hills Autonomous District Council (KHADC), Bah Titosstarwell Chyne, u la pynpaw ka jinglyngngoh ba ka Executive Committee ba la ïalam da ka Voice of the People Party (VPP) kim lait ang ha ïingdorbar hynrei ki pynshai pynban shabar ka ïingdorbar.
Haba ïakren bad ki nongthoh khubor hadien ba la wai ka dorbar ha ka 26 tarik u Jylliew 2025, u la ong ba ka EC ka VPP ki rem dorbar namar ki pynksan shabar namar ka jingïatai ka dei ban long ha ïingdorbar ym sha kamra.
U la ong ba kumno kin pynïaid ïa ka council haba tang ïa ka mang tyngka haba ki wanrah ki khlem bud ïa ki kyndon.
U la ong ba ki MDC liang pyrshah kim sngewhun ïa kane ka mang tyngka.
Nalor kane, u la ong ba u Shongknor u khlem ailad ïa ki dkhot ka liang pyrshah ban ïatai ïa ka mang tyngka tang namar ba khlem ai kyrteng; kane kam pat ju jia mynno-mynno bad u kyrmen ba kan ym jia shuh nangne shakhmat.
Katba, u Bah Pius Marweiñ, MDC Langrin Constituency, u la ong ba ki don ki seng kiba kular ban pynduhjait ïa ki ‘tollgate’ kiba be-aiñ hynrei ha kane ka kynti ki leh ïa kajuh ka ‘tollgate’, ki khlem ai ‘tender’ hynrei shu shaniah na ki briew kiba pan.
U la pynpaw ba kim sngewhun ïa ka jingjubab ha ïingdorbar.
