PIB Delhi, Jylliew 27
Ha ka sienjam ban kyntiew ïa ka jingïadei digital bad ban pynsuk ïa ka jingïoh ki jingshakri na ka bynta ki samla jong ka ri India, ka Tnat Ïalehkai ka la sdang ïa ka jingpynïasohWhatsApp bad ka rynsan MY Bharat (https://mybharat.gov.in).
Ka WhatsAppchatbot mynta ka la treikam ha ka rynsan MY Bharat bad lah ruh ban ïoh beit-beit lyngba ka WhatsApp (7289001515), kaba ai ïa ki nongpyndonkam ïa ka lad kaba khamsuk ban pyndonkam ïa kane ka rynsan. Kane ka jingsdang ïa kane ka kynthup ïa ki bynta ba kongsan na ka bynta baroh ki nongpyndonkam ba la pynrung kyrteng ha ka MY Bharat, kaba ailad ïa ki ban wad bniah ïa ki prokram ai jinghikai ba la ïoh jingtip, ki lad ban trei mon sngewbha, ka jingshna CV, ka jingai jingmut, ka jingïasoh/jingthaw kum ka seng, ban ai jingtip ïa kino-kino ki jingeh bad ban ïoh ïa ka jingkyrshan jong ka MyBharat.
Ban sdang ïa ka jingpyndonkam ha ka WhatsAppChatbot, ki riew shimet ki donkam ban phah ïa ka message ‘Hi’ sha u number 7289001515. Ïa ka jingithuh ïa ka login jong uwei pa uwei yn phah lyngba ka OTP bad yn sdang ïa ka jingïakren.
Ha ki por ban wan yn pynrung bun ki bynta ba thymmai kum ki jingpynrung kyrteng ha ka app, ki jingpynbna ryngkat bad ki download, ki media upload na ka bynta ka jingïashim bynta ha ki jingïalang, ki jingpynkynmaw bad jingbuddien, ka jingpyndep ïa ki kam bad kiwei-kiwei. Nalor ki jingshakri ba ïadei bad ka jingsiew, lah ban pyndonkam ïa ka chatbot ban phah ïa ki jing-pynkynmaw ba la pynkhreh lypa, ban pynpoi ïa ki kot ki sla ba donkam, bad ban ïasam ïa ki jing-pynbna shaphang ka kamram ba hap pyndep. Kan pynmih ruh ïa ki jingthoh shaphang ki kam, ki jingjia ba kongsan, ki jingpynbna shaphang ki skhim sorkar, ki rukom treikam kiba bha tam, bad ki tiar ban pyntip ïa ki samla bad ban ai lad ïa ki ban ïashim bynta.
Ki jingmyntoi ba kongsan ïa ki samla:
l Ka jingsuk ban ïoh ïa ki jingshakri MY Bharat lyngba ka WhatsApp
l Ka jingkyntiew kyrteng kaba kham sted, ka jingïashim bynta ha ki prokram, bad ka jingbuddien ïa ki prokram
l Ki jingai jingtip bad ki jingpynkynmaw ba mardor
l Ka jingsuk ban ai jingtip bad ka jingkyrshan ban pynbeit ïa ki jingeh
l Ki jingai jingtip ba man ka por shaphang ki lad, ki skhim bad ki rukom treikam ba bha tam
l Ka rukom treikam kaba suk ban ïasoh lang bad ki kam ba kongsan jong ka ri
Kane ka jingpynïasoh ka pynskhem ïa ka jingkut jingmut jong ka Tnad ban pynkup bor ïa ki samla da kaba pynrung ïa ki jingshakri paidbah ha ki lad digital ba ki pyndonkam bha, kaba pynsuk ïa ki ban ïasoh, ban ïatreilang, bad ban ïoh jingtip.
Ka MY Bharat ka dei ka rynsan teknoloji ba la shna da ka tnad kam ïalehkai bad ba la pynwandur da ka Digital India Corporation (DIC) MeitY ka Sorkar India ban pynbiang ïa ka rukom treikam kaba la pynskhem na ka bynta ban pynïasoh ïa ki samla jong ka ri. Da ka jingthmu ba kongsan ban pynkup bor ïa ki samla lyngba ka jingngeit tynrai jong ka India, ‘SevaBhav’ bad ‘Kartavya Bodh’ kane ka rynsan ka ai ki lad ki lynti ban ïashim bynta ha ki kam trei mon sngewbha bad jinghikai bapher-bapher, ban ïoh jinghikai na ki ‘riew shemphang, ban shna ïa ka CV, ban pynïasoh bad kiwei pat ki samla bad kiwei-kiwei ki kam kiba kyntiew ïa ka bor treikam.
