Nongstoiñ, Jylliew 27
Ka samla Aibankyrmen Wanñiang, 22 snem ka rta, na ka shnong Siejlieh Nongstoiñ West Khasi Hills District ka la shah jied ban leit mihkhmat ïa ka jylla Meghalaya sha ka jingïakhun kti (Arm Wrestling) lyngba ka Meghalaya Arm Wrestling Association (MAWA).
Ka khubor ka ong ba katei ka jingleit ïashim bynta kan dei sha ka National Arm Wrestling Championship 2025 ka ban sa long ha Thrissur, Kerala, ha ka 28 tarik u Jylliew 2025 bad ka ban kut pat haduh ka 2 tarik u Naitung 2025 lyngba ka Youth Categories 50 kg.
Halor kane ka bynta ka Siejlieh Sports Social and Cultural Youth Organisa-tion ryngkat ka shnong Siejlieh hadien ba la ïohpdiang ïa ka shithi lyngba ka MAWA, kum ka dak jong ka jingai mynsiem ka la kner ïa la ki kti ban ïa khublei kti ïa katei ka samla lyngba u Bah G.W. Nonglang President ka Siejlieh Sports Social and Cultural Youth Organisation.
Ha kane ka sngi ban ai mynsiem ïa kane ka samla la don ryngkat lang bad kiwei-kiwei ki dkhot ka Sport.
