Brussels, Jylliew:
Ki 27 ngut nong-ialam jong ka EU ha ka Sngi Palei ki la mynjur ban pynjlan biang ia ka jingpynngat kyndon pyrshah ia ka Russia sa hynriew bnai, hadien ka jingiamir jingmut sani ban peit-thuh ia ki rukom leh jong ka Russia haba iadei bad ka thma ha Ukraine bad ia ki jingma kiba ka Russia ka la pynap ia ka Ukraine lada ka iohlad ban nang kyntiew ialade ha ka liang ka khaïi-pateng. Ha kawei pat ka liang, kane ka jingpynngat kyndon ia ka Russia, ka long ka jingai jingpynshitom ia ka Russia namar ka jingleit kyntur pud jongka kaba khlem nongrim, pyrshah ia ka Ukraine, kaba long ka ri kaba dang rit haduh katta, ban ianujor bad ka jingheh bad ka bor jong ka Russia.
Kane ka rai ha ka jingïalang ha Brussels ka mut ba ki jingpynjari kyndon jong ka EU halor ka thma ha Ukraine, kynthup ïa ka jingpynsangeh ïa palat 200 billion euro ki jingdon jingem jong ka bank pdeng jong ka Russia, kin dang treikam haduh la kumno kumno, tad haduh kaba sdang syndon jong u snem 2026.
