Shillong, Jylliew 29
Ar tylli ki song Speed Post parcel ba la phah na Nongpoh, ki la shah pynphai biang halor ka jingbym biang ki jingdonkam bad na ka liang u nongujor pat u la suba jur ba imat la thep ïa ki dawai jingdih buaid.
Katkum ka khubor na ki pulit la ong ba u SPM jong ka Nongpoh Post Officer (Ri-Bhoi) u la ai ka jingujor ba ha ka 27 tarik jong u bnai Jymmang, 2025, la book ar tylli ki speed post parcels na Nongpoh Post Office; hynrei ha ka 10 tarik mynta u bnai, ïa kitei ki song ba la kdew haneng la pynphai biang sha ka Post Office, namar ka jingkyntait, jingbym biang ka address, jingbym biang u phone number.
Na ka liang jong utei u nongujor u la suba jur ba ki song ki don ïa ki dawai pynhiar mynsiem (psychotropic) bad ki dawai pyndih buaid (contraband substances).
