Guwahati, Jylliew:
U Myntri Rangbah jong ka Assam, Ranjeet Kumar Dass, u la pynlong da ka jingïalang ha ka Sngi Palei ha ka ophis treikam jong u Deputy Commissioner ka Bongaigaon distrik, ha kaba u la ïamir jingmut halor kiba bun ki skhim ka sorkar jylla, kynthup ïa ka jingthmu jong ka Arunodoi 3.0.
Kum u Myntri ba kyrshan halor ka jingkhmih ïa ka distrik, u Dass u la bishar bniah ïa ka jinglong jingman jong ka jingpyntreikam ïa ki prokram ba kongsan jong ka jingbha jingmiat. Haba kren halor ka jingthmu jong ka BJP dang shen ban thung ïa ki In-charge na ka bynta ka Bodoland Territorial Region (BTR), u Dass u la ong, “Ka BJP kam thmu ban synshar ïa ki briew, hynrei ban shakri ïa ki.
Ha ka ilekshon BTR ka ban wan, u Dass u la pynskhem ba ka BJP kan thaw ïa ka jingïateh bad ka seng saiñ pyrthei ka ban ïoh ïa ka jingbun paid. “Ngim sngewkhia ïa ki buit ne ki jingpyni lynti jong ki seng pyrshah; kim paw ha ngi,” u la kren da ka jingsngewskhem.
