Karachi, Jylliew:
Ka China ha kane ka sien, ka la ai ram palat $3.4 billion sha ka Pakistan ryngkat bad kiwei pat ki ram dang shen na ka bynta ka khaïi pateng bad ba bun jait kan kyntiew ïa ka pisa bar ri jong ka Pakistan sha ka $14 billion.
Ka China, ka la lum palat ia ka $2.1 billion, kaba la don ha ki pisa ba la buh kyrpang jong ka bank pdeng jong ka Pakistan, ha ki lai snem ba ladep, bad ka la pynlut biang sa ia ka ram khaïi, kaba $1.3 billion, kaba ka Pakistan, ka la siew biang ar bnai mynshwa.
Ka tnat pla tyngka jong ka Pakistan, ka la iathuh ruh ba dang don sa $1 billion na ki bank khaïi jong ka Middle East bad $500 million na kiwei de ki tnat kiba ka ri ka dang ioh jingkyrshan bad ka dang ioh lad ban pynim biang ia ka ioh-ka kot jongka.
Ki ram, khamtam ki jong ka China, ki long kiba kongsan bha ban pynskhem ïa ka jingduna jong ka pisa bar ri jong ka Pakistan, kaba ka IMF ka la dawa ba kan long palat ïa ka $14 klur ha kaba kut jong une u snem mang tyngka ba mynta ha ka 30 tarik u Jylliew.
Ki bor synshar jong ka Pakistan ki ong ba ka ïoh ka kot jong ka ri ka la shong shngaiñ lyngba ki jingpynkylla kiba dang ïaid shakhmat hapoh ka jingïarap jong ka IMF kaba $7 Billion.
