Shillong, Jylliew 30
Ki shipai Border Security Force (BSF) ki la ïoh ban bat noh ïa ki ar tylli kali Maruti 800 kiba la kit ïa ki phra ngut ki nong Myanmar.
Katkum ka khubor na ki pulit la ong ba ha ka 26 tarik mynta u bnai, ha ka por kumba 6.45 janmiet, ki shipai BSF jong ka BOP Pyrdiwah ha East Khasi Hills ki la ïoh ban bat noh ïa ki ar tylli ki kali Maruti 800, katba ki dang kit ïa ki phra ngut ki briew kiba dei nabar ri.
Kine ki briew kiba la shah bat ki dei kiba la tip kyrteng kum u Md. Safi (26 snem), u Md. Jamil Mohammad, ka Mustakina (19 snem), ka Noor Hasina, ka Ridwana (19 snem), ka Hamida Begam (40 snem) kynthup ar ngut ki khyllung, uwei ba dang 1 snem (khun jong ka Noor Hasina) bad iwei ba dang 7 bnai (khun jong ka Mustakina), kine ki briew baroh ki dei na Maungdaw, Myanmar.
La ong ba kitei ki briew ki la don ha kitei ki kali ba la bat da ki BSF ha ryngkat bad ki saw ngut ki nong India, kiba kynthup ïa u Manoj Sharma (25 snem), Ricky Pathaw, Ajay Kurbah bad Vishal Das.
