Shillong, Naitung 01
Ka lympung ïalehkai State Level Subroto Mukherjee Football Cup Tournament 2025 ba la pynïaid da ka tnat ïalehkai jong ka Sorkar Jylla ka la sdang ha ka Sngi Ba-ar ha kane ka nongbah na ka bynta ban ïaknieh ïa ka nam lahduh ha baroh lai tylli ki kyrdan ïalehkai.
Ha ki jingïalehkai jong ka Under-15 Boys ba la pynlong ha SAI Training Centre kaba ha NEHU, ka Mandalpang Govt. L.P. School (North Garo Hills) ka la pynliem noh ïa ka KJP Synod Sepngi HSS (West Khasi Hills) da 2-1 kol. Kane ka la wan urlong lyngba ki kol ba la thep da u Nalseng R. Marak (5) bad u Balseng K. Sangma (10), katba na ka KJP la thep da u Banbhabok Wahlang (15).
Ka Mawtneng U.P. & SS (Ri-Bhoi) ka la jop da 4-0 kol ïa ka Little Star HSS (South West Khasi Hills). U Banpynroilang Shadap u la thep ar kol ha ka minit kaba 19 & 32, katba ïa kiwei pat le thep da u Malong Bey (31) bad u Bawankynsai Mukhim (49).
Ka Government HSS, Bagh-mara (South Garo Hills) ka la shah rem da 3-0 kol ha ka Little Star Eng. Med. SS (Eastern West Khasi Hills). U Habankhlur Lyngdoh Mawnai u la thep ar kol ha ka minit kaba 6 & 35 bad u Pynroilang Lyngdoh Kynshi (46).
Katba ka Assam Rifles Public School (East Khasi Hills) ka la ïakhaid mar 3-3 kol pyrshah ïa ka Musniang SS (East Jaiñtia Hills). Na ka Assam Rifles la thep da u Wayne Ausungshi Shatsang (16) lem bad u Thanghgoulum Vaiphei (21 & 51), katba na ka Musniang la thep da u Mebatyngshain Dkhar (13) bad u Everlasting Dkhar (30 & 43).
Ha ka Under-17 Boys kaba la long ha SSA Stadium, ka Govt. Boys HSS (West Garo Hills) ka la pynliem noh ïa ka Borsing Memorial SS (West Khasi Hills) da 2-0 kol. Ïa kine kol la thep da u Kandora Danrik S. Sangma (28) bad kawei pat la ïarap pynthep da u ‘rangïalehkai ka liang pyrshah u Mebanjanai Thongni (53).
Ka North Liberty HSS (West Jaiñtia Hills) ka la jop da 4-0 kol ïa ka Little Star Eng. Med. SS (Eastern West Khasi Hills). Kane ka la wan lyngba ki ar kol ba la thep da u Banteilangki Sumer (18 & 25) bad u Erickson Shylla (40 & 51).
Ka Wapung HSS (East Jaiñtia Hills) ka la pynjem khnap ïa ka Karukol HSS (South Garo Hills) haduh 7-0 kol. U Liaison Ryngkhlem (6 & 46) bad u Any Manar (16 & 41) ki la thep mar ar kol, katba ïa ki shi kol la thep da u Oswinlalthadik Darnei (22), Kunebhaki Phawa (40) bad u Rooneybert Dkhar (60).
Ka Horirai Syiemlieh Memo-rial HSS (South West Khasi Hills) ka la ïakhaid mar 2-2 kol bad ka Rongrenggre Govt. HSS (East Garo Hills). Na ka Horirai Syiem -lieh la thep da u Rishotskhem Thongni (24) bad u Jimris Syiemlieh (35). Hynrei u Mishael B. Marak (56 & 36) u la lah ban pynphai ar kol na ka bynta ban pynïakhaid ia ka Rongrenggre
Ha ka Under-17 Girls, ka Nongjri Presbyterian SS (Ri-Bhoi) ka la pynjem khnap ïa ka Little Star Eng. Med. SS (Eastern West Khasi Hills) da 4-0 kol. Ïa kine la thep da ka Streamlet Taro (15), Daphi Syngkli (16 & 60+4) bad ka Rimika Khongkai (41).
Ka Jakrem Presbyterian HSS (South West Khasi Hills) ka la jop haduh 11-0 kol ïa ka Kokurol HSS (South Garo Hills). Ka Lakyntiew Merry K. Lyngdoh (2, 47, 48 & 59) bad ka Phibanpyn-tngen Wahlang (9, 17, 24 & 32) ki la thep mar saw kol. Katba ïa kiwei pat la thep ar kol da ka Mebalari Syiemlieh (31 & 34) bad ka Phibanri Kharlyngdoh (13).
Ka North Liberty HSS (West Jaiñtia Hills) ka la jop da 8-0 kol ïa ka Kharkutta U.P.S (North Garo Hills). Ïa kine la thep da ka Elad Ksoo (12 & 49), Baïarbha Nongrum (34 & 43), Peacefully Pohplet (39, 40 & 58) bad ka Glorify Lakiang (48).
Ka KGVB School, Samanda (East Garo Hills) ka la shah rem haduh 9-0 kol ha ka Lotus SS (East Jaiñtia Hills). Ka Alisha Lyngdoh ka la ïoh ‘hat-trick’ da kaba ïoh thep kol ha ka minit kaba 17, 53 & 60, kumjuh ka Saphapaya Lyngdoh (7 & 52), Thehlut Sana (12), Risaka Phawa (21 & 38) bad ka Rimika Kharkrang (46).
