Shillong, Naitung 01
Kawei ka longkmie ka la shah thombor ha la u jong u kurim da ka tari ha ka ïing sah lajong bad ka la mynsaw jur.
Katkum ka khubor na ki pulit la ong ba ka Kong Iowhok Suchiang ka la mudui da ka jingujor ba ha ka 27 tarik Jylliew, 2025, ha ka por kumba 10 baje eiei mynmiet, u kurim jong ka uba ka la shong khlad, u Kermi Dkhar u la thombor ïa ka da ka tari ha ïing sah jong ka ha ka shnong Thadsning ha West Jaiñtia Hills. La ong ba ha kane ka jingjia kane ka longkmie ka la mynsaw jur bad la pynkit noh ïa ka sha ka jaka ai jingsumar ha Civil Hospital Jowai.
