Rome, Naitung:
Ka jingshit kaba jur ha kylleng ki bynta jong ka Shathie Europe, ka la pynlong ïa ka jingshit kaba palat ïa ka 40 C (104 F) ha ki ri kiba kynthup ïa ka Italy, Spain bad Greece, katba ki bor synshar shnong ki la pynmih ïa ki jingmaham ba thymmai pyrshah ïa ka jingma jong ka jingpluh khlaw.
Ki ‘riew shemphang kin pyniadei ia ka jingkiew stet bad jingjur jong ka jingshit bad ka jingkylla ka suiñbneng, da kaba maham ba kum kine ki jingjia ba shyrkhei kin sa nang jur ruh ha kylleng jong ka thaiñ Shatei Lam Mihngi jong ka dewbah Europe.
La shem ba ka jingshit ka kham jur eh ha ki ri kum ka Italy, Greece, Spain bad ka Portugal ha shwa jong ka sngi kut taiew, ha kaba ki nongshong shnong bad ki nongjngohkai pyrthei kumjuh ki la hap ban wad jaka rieh namar ka jingshit palat jong ka sngi.
Ar bynta na ka lai bynta jong ka Portugal, ki don ha ka jingpynkhreh kaba jur ha ka Sngi U Blei, na ka bynta ka jingshit kaba jur katta katta bad ka jingpluh ding khlaw, ha kaba ka jingshit jingkhriat, kan poi sha ka 42 C (107 F) ha Lisbon.
Ha Italy, ki katto katne ki thaiñ – ka Lazio, Tuscany, Calabria, Puglia bad Umbria – ki la thmu ban khang ïa ki katto katne ki kam trei shabar ha ki por ba shit bha jong ka sngi kum ka jingpynrem ïa ka jingshit kaba jur bha. Ki seng nongtrei jong ka Italy ki la pynbor ia ka sorkar ban pyniar ia kum kine ki lad ha ka kyrdan jong ka ri.
