Shillong, Naitung 01
Uwei napdeng nongrah nar ka Jylla hapoh ka lama jong ka Meghalaya Powerlifting and Fitness Association (MPFA), u Dr. Sajid Nagi un mihkhmat ïa ka ri India ha ka International Powerlifting ka ban long ha Hemiji, Japan naduh 6 haduh 13 tarik mynta u bnai ha ka Master Category.
Kumta kane ka long ka jingsarong ïa ka Jylla hi baroh kawei ba une u rangbah u la ïoh ban rung shaduh ka jingïakop shabar ri. Ïa u Dr. Sajid la kha ha Shillong bad u la pyndep ïa ka jingpule na St. Edmund College, MCA na Jorhat bad u hikai mynta ha St. Edmund College kum u Lecturer ha ka Computer Science.
Kat kum ka kyrwoh la ong ba u Dr. Sajid u dei uba nyngkong eh ha ka Jylla ban khur ïa ka takma ksiar ha National (Master Category) ha u snem 2024.
Na ka liang ka MPFA ka la leit ban ai mynsiem ïa une u rangbah ha ka ïing sah jong u ha kaba la ïadon lang u President Bah Riki Diengdoh, kumjuh u General Secretary Bah Frankie Nongrum, Vice President Dip Sharma bad Robin Kharnarry Treasurer na bynta kane ka jingïakop khnang ba u lah ban wanrah burom biang ïa ka India bad ka Jylla hi baroh kawei.
