Guwahati, Naitung:
Ka jingsdang biang ïa ka jingleit jingwan jong ki rel, ka long hadien ka jingthut kaba la neh da ki taïew, namar ka jingtwa khyndew ha ka bynta jong ka lum Lumding-Badarpur, kaba la mih na ka jinghap slap kaba jur bad kaba ïai bteng.
Ka bynta ba la shah pynjulor hapdeng ka KM 108/6-8 ha ka lynti Jatinga Lumpur-New Haflong la lah ban maramot, kaba la ailad ïa ka lynti rel Northeast Frontier Railway (NFR) ban sdang biang ïa ka jingtreikam.
Da ka jingwan jong ka kali kit umphniang ha ka miet jong ka sngi U Blei bad kiwei pat ki rel kit mar kiba kit ïa ki mar bakongsan kum ki mar bam kiba la don lypa ha lynti, ki bor synshar ki la pynbna ba ka jylla mynta ka la “lait na ka jingduna.”
Ka jingshakri barit jong ki rel ka la sdang biang ha ka 29 tarik u Jylliew, bad la khmih lynti ba ka jingtreikam kaba pura kan bud shen. Ïa ka jingplie biang ïa kane ka lynti la pyni da ka jingpyllait ïa ka rel kit mar kaba thylli kaba mih na New Harangajao ha ka por 10:21 baje mynstep, kaba pyni ïa ka dak jong ka jingsdang biang ka jingpynïasoh ïa kane ka lynti.
