Shillong, Naitung 01
Ka shlem treikam u District Sports Officer (DSO) ka East Khasi Hills District ka la plie ïa ki lai tylli shlem ai jinghikai phutbol na ka bynta ki heprit ne ka grassroot centre ha ka 28 tarik u Jylliew.
Ïa ka Laitkor Rngi Grassroot Centre la plie ha madan Laitkor, ka Mawkdok Grassroot Centre ha madan Mawkdok bad ka Weilyngkut Grass-root Centre ha madan Dira. Kane ka projek ka hap hapoh ka Mission Football.
Ha ka por 10 baje mynstep la plie ïa ka Laitkor Rngi Centre da u DSO ka East Khasi Hills District, Bah O. Maw-thoh ha kaba la ïadon lang ki dkhot ka Dorbar Shnong Laitkor Rngi ryngkat ki dkhot ka Laitkor Sports Club lem bad ki khynnah kiba hapdeng ka rta 6 haduh 12 snem.
Ha ka por 12 baje mynsngi la plie ïa ka Mawkdok Centre da u MLA ka Sohra Consti-tuency, Bah Gavin Miguel Mylliem ha kaba la ïadon lang ki dkhot ka Dorbar Shnong Mawkdok, ki dkhot ka Mawkdok Sports Club lem bad ki heprit kiba hapdeng ka rta kaba 6 haduh 12 snem.
Kumjuh, ha ka por 3 baje nohphai sngi la plie ïa ka Weilyngkut Centre da u MLA ka Sohïong Constituency, Bah Syn-shar Kupar Roy Lyngdoh Thabah ha kaba la ïadon lang ki dkhot ka Dorbar Shnong Weilyngkut, ki dkhot ka Weilyngkut Grassroot Centre lem bad ki heprit kiba hapdeng ka rta kaba 6 haduh 12 snem.
