Shillong, Naitung 01
Kawei ka longkmie, 70 snem rta ba la tip kyrteng kum ka Ruphina Rynjah, ka la mynsaw jur hadien ba ka la shah tynrah ha kawei ka kali Bolero Pickup ha Khyndai Lad ha ka Lah Sngi U Blei.
Kane ka la jia ha ka por 3:00-3:10 nohphai sngi ha kaba kawei ka kali (Bolero Pickup) kaba don ïa u Registration Number ML 04 8991 bad kit ïa ki shaka ka la tynrah ïa kane ka longkmie. Ha kane ka jingjia kane ka longkmie ka la mynsaw kham jur namar kane ka kali ka la byllait ïa ka kjat ha ban da lwet.
Ïa kane ka longkmie la pynkit noh sha Civil Hospital Shillong, hynrei namar ka jingmynsaw jur la rah noh sha kawei pat ka hospital ban ïoh jingsumar kaba kham biang.
Kat haduh ba thoh ïa kane ka khubor ym pat lah ban tip ïa ka jinglong-jingman jong kane ka longkmie.
