Shillong, Naitung 01
Ka Laitkroh SC ka la ïoh jingjop ha ka lympung ïalehkai 4th Division Under- 20 Football league 2025, hadien ba ka la lah ban pynliem noh ïa ka Thynroit SC da 1-0 kol ha ka Sngi Ba-ar ha SSA Stadium kaba ha First Ground, Polo.
Kane ka nam jop ka la wan urlong lyngba ka shi kol ba la thep da u Ïaikiew Myrthong ha ka minit kaba 9 na ka bynta ban pynlong ïa la ka kynhun ban jam sha ka kyrdan balai ha ka Group-A bad ban ïaryngkat mar 4 point bad ka Mawshbuit, kaba don ha ka kyrdan ba-ar.
Ka jingïalehkai ha ka Sngi Balang kan long hapdeng ka Risa Colony SC pyrshah ïa ka Golflink SC ha ka por 4 baje janmiet.
