Thailand, Naitung:
Ka Myntri Rangbahduh jong ka Thailand, ka Paetong-tarn Shinawatra, ha ka Sngi Ba-ar ka la shah pynsangeh treikam noh da ka rai jong ka Constitutional Court jong ka Thailand, katba ka ïingbishar ka dang wad bniah halor ka jing-iakynad bad ka Cambodia.
La ong ba katkum ka jingkyrshan bad jingpyrshah ia ka rai ban pynsangeh treikam noh ia katei ka Myntri Rangbahduh ka Thailand, la ioh 7 tylli ki jingkyrshan haba iadei bad katei ka rai ban pynsangeh treikam noh syndon ia ka. Ha kaba la don pat tang 2 ngut kiba pyrshah ia katei ka aiñ.
Ka jingïakynad halor ka jaka kaba la slem bha ka la kylla long ka jingïakynad ha ki khappud ha u bnai Jymmang, ha kaba uwei u shipai Cambodia u la duh syndon ia ka jingim hapdeng katei ka jing-iakynad kaba shyrkhei.
Haba ka Paetongtarn ka la phone ia u nongmihkhmat jong ka Cambodia u Hun Sen ban iakren ia ki jingeh, ka la khot ia u da u ‘uncle’ bad ka la kdew ia utei u heh shipai ka Thailand kum u “nong-ialeh pyrshah” jong ka, katkum ka kaiphod ba la iohlum bad kaba la pynmih ia ka jingkynthoh pyrshah.
Namar la ong ba ki nongthaw aiñ barim ki kynnoh ia ka ba ka la kohnguh ia ka Cambodia bad ka la pynjah burom ia ki shipai, bad ki kynnoh ba ka la pynkheiñ ruh ia ki kyndon jong ka riti synshar ka ri kiba dawa ia ka “jinglong hok kaba shisha” bad “ki hok rukom im ” jong ka jaitbynriew.
