Shillong, Naitung 03
Ka Nongthymmai R Nongkynrih SC ka la pynliem noh ïa ka Dilingiem SC da 3-2 kol ha ka lympung ïalehkai 4th Division Under- 20 Football League 2025 ba la pynïaid da ka Shillong Sports Association (SSA) ha ka Sngi Palei.
Ha kane ka jingïakhun kaba la long ha SSA Stadium kaba ha First Ground Polo, baroh ar kynhun ki la pyrshang ban ïakhun tyngeh naduh kaba sdang. Ka Dilingiem ka la pynkhih jar nyngkong eh ha ka minit kaba 12 lyngba u Aiboklang Jyrwa. Hadien 5 minit ka Nongthymmai ka la lah ban pynïakhaid kylla lyngba u Aryan Nongkhlaw.
Hadien shiteng kynta ka Nongthymmai ka la pynbud biang ïa ka kol ba ar lyngba u Shaiñ Hujai ha ka minit kaba 31 ha shwa ba u Nelberistar Syiemlieh (37) un pynïakhaid na ka bynta ka Dilingiem. Ha shwa ban wai u Shaiñ (75) u la pynbud biang ïa ka kol ba ar na ka bynta ban pynlong ïa ka Nongthymmai ban jop shi syndon.
