Shillong, Naitung 03
Ka Rotary Club Shillong Heritage ha ryngkat ka jingïatreilang bad ka Nazareth Hospital, ka la pynlong ïa ka prokram ai snam ha ka sngi rakhe ïa ka Sngi ki Doktor ne ka ‘Doctor’s Day’ ha ka 1 tarik u Naitung, 2025.
Ha katei ka sngi, ka jingwan ai snam ki briew baroh ka long 41 unit ka snam.
Ki nongnoh synñiang kiba kongsan ki kynthup ïa ka kynhun shipai ka 119th Battalion Infantry of the Territorial Army nalor kiwei pat ki nongnoh synñiang mon sngewbha.
La rakhe ruh ïa ka sngi kyrpang jong ki doktor ha kaba arngut ki doktor ba rangbah jong ka Jylla, u Dr. Sandi Syiem bad u Dr. Gordon Mervyn Rangad ki la shah pynkup burom na ka bynta ka jingshakri jong ki.
