Shillong, Naitung 03
Ka Sorkar Jylla ka la thung ïa ka Shillong Medical College Anti-Ragging Committee ba 10 ngut ki dkhot, kaba khlieh da u Dean ka Shillong Medical College.
Ka jingthmu ba kongsan eh jong kane ka committee ka long ban khanglad ban leh eiei halor ki jingjia jong ka jingshah leh beiñ (ragging) ha campus bad hostel ka college.
Ki kam kiba ka committee kan trei ki kynthup ïa ka jingpyntreikam ïa ka anti-ragging rules, pynlong ïa ki jingïalap ban pynsngewthuh ïa ki samla pule, ban leh eiei halor ki jingujor bad ban ai jingmut ïa ki jingpynshitom ne disciplinary action.
Ka committee kan ai ruh ïa ka kaiphod haba donkam bad ïakynduh shisien ha ka semester lane haba donkam.
Ka jingthaw ïa ka committee ka thmu ban pynthikna ïa ka jingshngaiñ bad ka jinglait na ki kam ragging hapdeng ki samla pule ha Shillong Medical College.
