New Delhi, Naitung:
Tang hadien shi sngi ba u Dalai Lama ba 14 u la pynbna ia ki jingthmu jong u, ka India ha ka Sngi Palei ka la ong ba dei tang ma u hi, uba lah ban jied ia u nongmih pateng bad u nongmih bujli ha ka jaka jong u.
Haba iakren bad ki nongthoh khubor ha New Delhi, u Myntri ki rit paid- u Kiren Rijiju u la ong ba u Dalai Lama u long u nongialam ba kongsan tam na ka bynta ki jaitbynriew Budhist bad kumta ruh ia u nongmih bujli ne nonghiar pateng ha ka jaka jong u, dei utei hi u Dalai Lama uba 14 uba dei ban jied bad pynkhamti hi da lade bad ba ym don mano-mano ruh ba lah ban tuklar ia kane.
