Shillong, Naitung 03
Ki shipai Border Security Force (BSF) ki la ïoh ban bat noh ïa uwei u suba nong Bangladesh, uba la thmu ban leit phai noh sha la ri sha Bangladesh hadien ba u la mih na Shillong.
Katkum ka khubor na ki pulit la ong ba u Coy-Commander, Ad hoc C-1, Coy-193 Bn., BSF jong ka BOP Gomaghat ha South West Khasi Hills u la ai da ka jingujor ba ha ka 30 tarik mynshem bnai, ki shipai BSF ki la ïoh ban bat noh ïa uwei u suba nong Bangladesh na Nolikata ha South West Khasi Hills.
La ong ba une u nong Bangladesh uba la tip kyrteng kum u Biswas Makhan ha ka por ba la tohkit, la lap ba u la thmu ban leit phai noh sha Bangladesh na Shillong khlem ki kot ki sla kiba biang.
