Shillong, Naitung 03
Ki bor ba dei peit ka North Eastern Indira Gandhi Regional Institute of Health and Medical Sciences (NEIGRIHMS) ki la pynmih ka jingpynbna paidbah ha ka 2 tarik u Naitung, 2025 ban pyntip sha ki paidbah ba ka metïap jong u Shanta Bahadur (Shynrang/70 snem) uba la khlad ha katei ka jaka sumar ha ka 6 tarik u Rymphang, 2025 bad la buh nyngkong na ka bynta ki kam pule bad wad bniah hynrei namar ka jingkem pyut kaba khlem khmih lynti, ka metïap kam long shuh kaba biang ban pyndonkam kumba la thmu.
Kumta katkum ki kyndon treikam, ka NEIGRIHMS ka pynmih ïa kane ka jingpynbna paidbah ban ailad ïa kino-kino ki bahaïing bahasem, kiba ïatip ne kiba ithuh ban wan kam noh ïa ka metïap hapoh 15 sngi naduh ka sngi ba la pynmih ïa kane ka jingpynbna hadien kane ka hospital kan pyndonkam ïa ka hok jong ka ban bud katkum ki kyndon aiñ bad katkum ka aiñ.
