Shillong, Naitung 03
Ka Deputy Commissioner jong ka East Khasi Hills District ka Kong RM Kurbah ha ka Sngi Palei ka la pynmih ïa ka jingpynbna BNSS hapoh ka kyndon 163 ba la shah ïa ki kali heh bad ki kali rit ba kin ïaid na Lad Mawmaram-Mawlyndep shaduh Lad Umsaw tang ba ki hap ban kit hapoh ka 9 ton.
La ong ba kane ka ophis ka la pynmih ïa ka hukum hapoh ka Section 163 jong ka BNSS, 2023 ha ka 21 tarik Ïaïong, 2025, kaba la khang ban ïaid ïa ki kali bad ki kali kit palat pud kiba tam ïa ka 9 ton na katei ka surok namar ka jingbuh hakhmat ïa ka jingshngaiñ jong ki paidbah bad ruh ban ïada ïa ki jingkieng bad ka jingpyntrei ïa ka surok.
Ka jingshah ban ïaid biang ïa ki kali khamtam ki kali heh, ka dei hadien ka jingai jingmynjur jong u EE PWD (Roads) Umsning Division ha ka 2 tarik mynta u bnai, ba ka jingtei ïa ka Sub-way hajan ka jingkieng No. 6/1 kaba don ha Umbir ka la dep bad kaba la plie na ka bynta ki paidbah. La shah ban kit ym palat ïa ka 9 ton na kane ka jingkieng hynrei la bthah ïa baroh ki kali heh ne ki kali rit ba kin kiar ban ïaid na ka jingkieng hynrei ban pyndonkam da ka sub-way kaba dang shu dep shna thymmai ba don mar syndah bad ka jingkieng.
