Shillong, Naitung 03
Ka jingjyllei jong ki kam tuh kam thiem ka la nang bteng na kawei ka sngi sha kawei pat, haduh ba kum ki trai kali ne arshaka ne ki trai ïing kim don jingshngaiñ shuh ïa la ki mar ki mata.
Katkum ka khubor kaba la ïoh na ki pulit la ong ba u Pushparaj M Sharma u la ai ka jingujor ba ha ka miet jong ka 5 tarik mynshem bnai, ki runar bym lah ban ithuh ki la tuh ïa ka arshaka ka jong u, kaba don ïa u registration number 23BH 2754L na EF Shopping Complex kaba don ha Mawlai Kynton Massar, Block-D, Shillong.
Kumjuh, u Gautam Pathak u la ai ka jingujor ba ha ka 1 tarik mynta u bnai, hapdeng ka por 2.30 haduh 3.30 mynstep, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AG-6656, kaba la pynïeng hajan jong ka Narsingh Akhara Temple, Qualapatty, Shillong.
