Shillong, Naitung 03
Ka Assam Rifles Public School (East Khasi Hills), Mawtneng U.P School (Ri-Bhoi), Government Boys HSS (West Jaiñtia Hills) bad ka Government HSS (South Garo Hills) ki la ïoh jingjop ha ka jingïalehkai Under-15 Boys jong ka State Level Subroto Mukherjee Cup Football Tournament 2025.
Ha kane ka jingïakhun kaba la long ha ka Sngi Palei ha SAI Training Centre, ka Assam Rifles ka la pynjem khnap ïa ka St. Claret HSS (South West Garo Hills) haduh 9-0 kol. U Lalhmingmawia u la ïoh hat-trick da kaba ïoh thep ha ka minit kaba 9, 12, 27 & 33. Katba ïa kiwei pat la thep da u Thangoulin Vaiphei (14 & 38), Irungbam Y. Meitei (16), Wayne A. Shatsang (31 & 35).
Ka St. Mary’s SS (East Garo Hills) ka la shah rem noh ha ka Mawtneng U.P School (Ri-Bhoi) da 5-0 kol. U Bakmenlang Mawphniang u la ïoh hat-trick da kaba ïoh thep ha ka minit kaba 6, 11 & 23, katba ïa kiwei pat la thep da u Malong Bey (18) bad kawei la ïarap pynthep da u Jericho R. Marak (19) na ka St. Mary’s.
Ka Government Boys HSS (West Jaiñtia Hills) ka la pynliem noh ïa ka KJP Synod Sepngi HSS (West Jaiñtia Hills) da 2-0 kol ba la thep da u Deiwa-e-mitre Shylla (24) bad u Samewan Lyntan (5).
Ka Government HSS (South Garo Hills) ka la jop da 2-1 kol ïa ka Government Boys HSS (West Garo Hills). Kane ka la wan urlong lyngba u Elentezo R. Marak (16) bad u Derak N. Marak (25), katba na ka West Garo la thep da u Mallenga N. Sangma (3).
Ha ka Under-17 girls, ka Tyrsad HSS (East Khasi Hills) ka la bteng biang ïa ka jingjop hadien ba ka la pynliem noh ïa ka Jakrem Pres. HSS (South West Khasi Hills) da 3-0- kol. Ïa kine kol la thep da ka Wanrihun Kharnaior (4), Ha-i-sha Myrthong (25) bad ka Ribanta Nongbri (54).
Kumjuh, ka North Liberty (West Jaiñtia Hills) ka la pynjem khnap haduh 8-0 kol ïa ka Government Boys HSS (West Garo Hills). Ka Elizabeth Thanglai ka la ïoh hat-trick da kaba thep ha ka minit kaba 13, 29 & 59. Katba ïa kiwei pat la thep da ka Elad Ksoo (2), Baïarbha Nongrum (10), Peacefully Pohphlet (18), Saphika Pyrtuh (19) bad u Daphi Dkhar (26).
Ka Kyrshai Govt. L.P & U.P School (West Khasi Hills) ka la pynliem noh ïa ka Little Star Eng. Med. SS (Eastern West Khasi Hills) lyngba ka shi kol ba la thep da ka Rosemary Sohshang (55).
Ka RGVB School (East Garo Hills) ka la pynliem noh ïa ka St. Claret HSS (South West Khasi Hills) lyngba ka shi kol ba la thep da ka Felicitha T. Sangma.
Haba phai sha ka Under-17 Boys, ka O.M. Roy Memorial HSS (East Khasi Hills) ka la mad ïa ka jingshah rem ha ka North Liberty HSS (West Jaiñtia Hills) lyngba ka shi kol ba la thep da u Skhemmon Pohthmi (11).
Ka Wapung HSS (East Jaiñtia Hills) ka la pynjem khnap haduh 10-0 kol ïa ka St. Claret (South West Garo Hills). U Jeffre Nampui u la ïoh hat-trick da kaba thep ha ka minit kaba 60, 62 & 64. Ïa ki ar kol la thep da u Arlundsky D. Sangma (63 & 10), Liaison Ryngkhlem (9 & 14), Oswinlalthadik Darnei (12 & 39) bad u Emerson Ryngkhlem (19 & 23) bad ïa kawei pat da u Rooneybert Dkhar (32).
Ka Nongjri Presbyte-rian SS (Ri-Bhoi) ka la pynjem khnap ïa ka Horirai Syiemlieh Memo-rial HSS (South West Khasi Hills) da 4-0 kol. Ïa kine la thep da u Banteilang Malieh (39), Newbirthson Sankli (42) bad u Michael Basaïaw-moit (57 & 68).
Ka Bajengdoba HSS (North Garo Hills) ka la pynliem noh ïa ka Government Boys HSS (West Garo Hills) da 2-0 kol. Ïa kine kol la thep da u Cherim Ch. Sangma (40) bad u Nikseng R. Marak (49).
