Shillong, Naitung 03
Ki runar bym lah ban ithuh, ki la wiang ding ïa ki ar tylli ki mashin (excavator machine) kiba pyndonkam ha kaba tih maw ha Ri-Bhoi.
Katkum ka khubor kaba la ïoh na ki pulit la ong ba ha ka step jong ka 1 tarik mynta u bnai, u Hahep Marak na ka shnong Chibra kaba hap hapoh ka Pillangkata Out Post ha Ri-Bhoi u la pyntip sha ki pulit ba ha ka 1 tarik mynta u bnai ha ka por kumba 2 baje dang step, ki runar bym lah ban ithuh ki la wiang ding ïa ki ar tylli mashin tih maw.
Ha ka jingujor, la ong ba kitei ki mashin, ki dei kiba long trai da ar ngut ki ‘riewshimet, kata u Bapan Baishya bad u Anil Pangcho, ïa kiba la shim wai da u Hahep bad kawei ba la shim wai da u Momin Borah na ka bynta ka kam tih maw ha katei ka thaiñ.
Ha kaba ïadei bad kane, na ka liang jong ki pulit ki dang pynlong ïa ka jingtohkit ban lap ïa ki jingshisha bad ban thwet ïa ki runar kiba donkti ha kane ka kam.
