Shillong, Naitung 04
U Assistant Commissioner of Excise, East Khasi Hills District, u la pyntip ba ka Dorbar Shnong Pommura hapoh ka Khyriem Syiemship, East Khasi Hills District, ha ka jingïalang Executive jong ka kaba la long ha ka 30 tarik Jylliew, 2025 ka la rai ban pynlong ïa ka jingïalang ban twad jingmut na u paidbah ha kaba ïadei bad ka aplikeshon ba la ïoh ban ai laisen ban buh dukan die kyiad (Wine Store) ban dih pat shabar kane ka jaka.
Ïa kane ka jingïalang la buh ban pynlong ha ka 21 tarik Naitung, 2025 ha ka por 11 baje mynstep ha Pommura Dorbar Hall.
Kane ka long ruh kum ka jingpyntip sha baroh ki nongshong shnong ka shnong Pommura kiba hap hapoh ka jingkhmih jong ka Dorbar Shnong Pommura bad kiwei kiwei kiba nongïashim bynta. Kumta, la kyntu ïa baroh ban wad jingtip na ophis ka dorbar shnong ban ïoh ïa ki jingtip kiba bniah bad la pynshlur ruh ïa baroh ban poi sha katei ka jingïalang da ka jingkyrpad ba kin wanrah lang ruh ïa ka Elector’s Photo Identity Card (EPIC) kum ka kot ban pynshisha.
