Shillong, Naitung 04
Ka North Eastern Council (NEC) ka la pyllait ïa ka song pisa kaba T.9,14,55,500 na bynta u bnai Jylliew mynta u snem haba ïadei bad 7 tylli ki projek hapoh ka Jylla.
Kine ki projek kiba hap hapoh ka skhim jong ka NEC ki kynthup ïa ka jingtei ïa ka RCC G+4 ‘Commercial Building’ jong ka Ïewdak Laban Municipal Market Shillong ban die ïa ki mar-rep, ki soh, ki jhur, ki tiar shna kti, sniang, ki syntiew bad kiwei-kiwei. Na bynta kane ka projek, ka NEC ka la pyllait T.3,21,18,750.
Kawei pat ka projek ka dei halor ka jingshna ïa ki jingtei ba ïadei bad ki kam jngoh kai pyrthei ha Laitlyngkot (Lmalyer) East Khasi Hills District. Na ka liang ka NEC ka la pyllait T.1,02,89,000 na bynta kane ka projek.
Ha kajuh ka por, ka tnad ka la pyllait T.1,24,52,000 haba phai sha ka projek pynroi kaba pynleit jingmut ha ki jaka ba shah ieh, ki bynta ba shah ieh jong ka imlang-sahlang da kaba kyntiew ïa ka jingnang-jingstad bad ka jingkyntiew kyrdan ïa ki skul RM Mission ba la jied hapoh ka Jylla (skul RKM, Umploh & Mawkynrew).
Haba ïadei bad ka projek pynroi kaba pynleit jingmut ha ki jaka ba shah ieh, ki bynta ba shah ieh jong ka imlang-sahlang da kaba kyntiew ïa ka jingnang-jingstad bad ka jingkyntiew kyrdan ïa ki skul RM Mission ba la jied hapoh ka Jylla (skul RKM, Jalaphet & Laitlyngkot), ka NEC ka la pyllait T.1,47,37,000.
Kumjuh, ka tnad ka la pyllait ruh T.1,07,64,000 na bynta ka ka projek pynroi kaba pynleit jingmut ha ki jaka ba shah ieh, ki bynta ba shah ieh jong ka imlang-sahlang da kaba kyntiew ïa ka jingnang-jingstad bad ka jingkyntiew kyrdan ïa ki skul RM Mission ba la jied hapoh ka Jylla (skul RKM, Laitlyndop & Mylliem).
Ka NEC ka la pyllait ruh T.73, 04,000 halor ka projek pynroi kaba pynleit jingmut ha ki jaka ba shah ieh, ki bynta ba shah ieh jong ka imlang-sahlang da kaba kyntiew ïa ka jingnang-jingstad bad ka jingkyntiew kyrdan ïa ki skul RM Mission ba la jied hapoh ka Jylla (skul RKM, Mawsmai)
Shuh shuh haba ïadei bad ka jingshna ïa ka jingtei lariti jong ki 6 tylli ki Seiñ Raj ha East bad West Jaiñtia Hills, ka tnad ka la pyllait T.37,90,750.
Nalor kane, ka NEC ka la pyllait ruh ïa ka pisa kaba T.8.88,00,000 hapoh ka NESIDS (Roads) ha u bnai Jylliew na bynta ka projek Pynursla-Latangriwan-Mawlynnong.
“Ïa kane ka pisa la pyllait ban kyrshan ïa ki tnad treikam bapher-bapher ba kynthup ïa ka jingpynïasoh surok, jingtei ha ka liang ki kam jngoh kai pyrthei, lariti, bad ka jingpynroi ïa ki jaka ba shah ieh,” ong ka kyrwoh na ka NEC.
Ka tnad ka ïeng skhem bad kut jingmut ban pyllait biang por ïa ka pisa ban pyntikna ïa ka jingïaid beit ïaid ryntih bad ka jingpyntreikam sted bad jingpyndep ïa ki projek kam pynroi hapoh ka Jylla.
