Shillong, Naitung 06
Lai ngut ki dkhot ka Meghalaya Wushu Association (MWA) ka Lorenza Songthiang, Satisfy Syngkon bad u Baremdor Kharmuti ki la ïohpdiang ïa ka Grade-B ha ka prokram shah pyntbit (Certifi-cate Course) kaba hynriew bnai kynthih ha ka jingïalehkai Wushu ha NS NIS Patiala, Punjab lem bad kiwei pat ki dkhot na kylleng jong ka ri.
Halor kane ka jingjop jong ki, na ka liang ka MWA ka la ai khublei ïa ki halor ka jinglah ban pynpaw ïa ka jingtbit na ka bynta ban ïoh ïa ka jingjop.
Kat kum ka kyrwoh ba la pyllait da General Secretary ka MWA u Jerry Fiscal Wankhar u la pynpaw ba ki la don haduh 27 ngut ki coach na kylleng jong ka ri kiba la ïashim bynta ha katei ka prokram.
