Khliehriat, Naitung 06
Ka Lumshyrmit SCSC bad Lama Youth SC ki la ïoh jingjop, katba ka Cham Cham SC bad Nong -thymme SC ki la ïakhiad ha ka lympung ïalehkai 3rd Division League Stage ba la pynïaid da ka East Jaiñtia Hills District Football Association (EJHDFA).
Ha ka jingïalehkai kaba la long ha ka Sngi Saitjaiñ ha madan Artificial Turf Diengshyn-rum, Khliehriat, ka Lums-hyrmit SCSC ka la pynliem noh ïa ka Pynurkba Christian SC lyngba ka shi kol ba la thep da u Blining Dkhar ha ka minit kaba 38.
Ha ka jingïalehkai kaba bud, ka Lama Youth SC ka la pynliem noh ïa ka Borghat SCSC lyngba ka kol ba la thep da u Sowanki Suchen ha ka minit kaba 20.
Haba phai sha kawei pat ka jingïakhun hapdeng ka Cham Cham SC bad ka Nongthymme SC ki la kut ha ka jingïakhaid khlem don ban thep kol haduh kaba kut ka jingïalehkai.
Kane ka lympung kan bteng biang ha ka Lah Sngi U Blei hapdeng ka Umlong SCSC pyrshah ïa ka Wahsarang SC ha ka por 11 baje mynstep, kumjuh ka Tuber Shohshrieh SSC ïa ka Mookympad SSCC ha ka por 1 baje mynsngi, katba ka Evergreen SC Ladwahpung ïa ka Moo-lang SC ha ka por 3 baje nohphai sngi.
