Shillong, Naitung 06
U Neeraj Chopra u la jubab ïa ki jingsawa ‘Neeraj, Neeraj, Neeraj’ katba u dang ïakhun tyngeh hadien ba u la kum bakla ha ka wat kaba nyngkong na ka bynta ban pynrung ïa ka kyrteng jong u ha ka thup jong ki nongjop ha ka Neeraj Chopra Classic ba nyngkong eh da kaba u la lah ban kawang ha ka jingjngai 86.18m ha madan Sree Kanteerava Stadium ha ka miet jong ka sngi Saitjaiñ.
Ki la don haduh 15 hajar ngut ki nongpeitkai kiba la pyndap ïa katei ka stadium kaba syriem kum jingïalehkai ha la ïing jong ka Bengaluru FC ha ka Indian Super League, ki la leit phai biang da kaba rwai bad shad kmen ha ki jingrwai ba paw jong u AR Rahman hadien ba ki la ïohi ïa u khlur ba ïeid eh jong ki ba un khur ïa ka takma ksiar hadien ba u la lah ban pynliem ïa u nongjop barim ha ka pyrthei u Julius Yego uba na Kenya. Kine ar ngut shi paralok ki la long mar ïaryngkat ha ka rukom ïalehkai. Wat hapdeng ka jingbakla ha ka wat kaba nyngkong, hynrei u Neeraj u la pyrshang ban ïalehkai bha bad ban khur ïa ka jingjop.
U Yego u la wan ba-ar da kaba u la lah ban kawang ha ka jingjngai 84.51m, katba u nongkawang sum na Sri Lanka u Pathirage u la wan ha ka kyrdan balai da kaba kawang ha ka jingjngai kaba 84.34m. Uwei pat u nongkawang sum jong ka ri India u Sachin Yadav u la duh sa ka said ban khur takma hadien ba u la wan ha ka kyrdan basaw da kaba kawang ha ka jingjngai kaba 82.33m.
Hapdeng ka jingjur jong ka lyer ha Bengaluru, u Neeraj u la hap ban ïakhun tyngeh hapdeng ka jingkhmih lynti jong ki paidbah ba un ïoh ïa ka kyrdan ha kliar.
Ka jingpyrshang kaba nyngkong jong u ka la long kaba bakla hadien ba u la syntuid, kaba ym dei ka jingsdang kaba biang bha ha katei ka janmiet. Ha ka jingpyrshang kaba ar ula kawang ha ka jingjngai kaba 82.99.
Utei u rangïalehkai ba 27 snem ka rta u dei u la long u rangïalehkai ba nyngkong eh jong ka ri India ban ïashim bynta ha ka jingïalehkai bar ri watla la ai kyrteng hapoh ka kyrteng ka jong u. Ka jingïakop ka la sdang hadien ba la pynslem namar ka jingeh ha khappud ha u Jymmang.
Hynrei ha madan, ka jingskhem jingmut kum u nongjop ka sdang ban paw. U R umesh Pathirage ka Sri Lanka u la lah ban kawang ha ki 84.34m ha ka sien kaba lai. Dei ha ka jingpyrshang kaba lai ba u Neeraj u la lah ban kawang ha ka jingjngai kaba 86.18 na ka bynta ban khur syndon ïa ka jingjop.
Hadien katei ka jingïalehkai, u la pynpaw da kaba ong ba um shym la sngewtynnad pura halor ka jingbun ki paidbah nongwan peitkai, hynrei ka jingsngwkmen ka long ba u la lah ban pyni ïa ka jingtbit hapdeng ka jingjur jong ka lyer bad ka jinglong jingman ka suiñbneng, kaba la pynlong ïa u ban khur ïa ka ksiar bad ruh ba ym don mano mano ruh ba lah ban tam na ka 85m.
