Jowai, Naitung 07
Ka West Jaiñtia District Badmin -ton Association (WJDBA) ka la pynbna ba kan sdang noh ïa ka lympung ïalehkai 16th District Open Badminton Championship 2025.
Kane ka lympung kan sdang naduh ka 28 tarik mynta u bnai haduh 1 tarik u Nailar 2025 ha Indoor Hall Seiñriaj Jowai kaba ha Tpep Pale (Madan Ryngkaw).
Ka jingthmu jong kane ka lympung ïalehkai ka long shi bynta ka jingpynkhreh ban leit ïashim bynta sha ka 40th Meghalaya State Badminton Championship 2025.
Ki kyrdan ïalehkai ki long: ka Under-13 Boys (Single’s/Boys Doubles) kiba kha lane shwa ka 1 tarik u Kyllalyngkot 2013. Under-15 Boys (Single’s/Boys Doubles), kiba kha ha lane shwa ka 1 tarik u Kyllalyngkot 2011. Under-17 Boys (Single’s/Boys Doubles) kiba kha ha lane shwa ka 1 tarik u Kyllalyngkot 2009. Under-19 Boys (Single’s/Boys Doubles) kiba kha ha lane shwa ka 1 tarik u Kyllalyngkot 2007 bad ka Under-19 kiba kha ha lane shwa ka 1 tarik u Kyllalyngkot 2007.
Ki kyrdan ïalehkai ki long ka Open category Women’s Single/ Women’s Doubles/Men’s Single/ Men’s Doubles/Mixed Doubles.
Kat kum ka kyrwoh la bthah ruh ïa baroh ki nongïashim bynta ha kitei ki kyrdan ïalehkai ki dei ban phah lang bad ka Aadhaar card. Ka tarik khatduh ban pynpoi ïa ki kyrteng kan long ha ka 21 tarik mynta u bnai hapoh ka por 7 baje janmiet. Ïa ki jingtip kham bniah lah ban phone ïa u Tournament Secretary Bah Teddy Laloo (93661-15391), Assistant Secretary Bah Arki ioo Passah (96120-98639). Baroh ki nongïalehkai ki lah ban shim bynta tang 2 tylli ki jingïakhun lait noh ha ka Mixed Doubles.
Te kumta na ka liang katei ka synjuk ka la khot bad wer ïa ki khun ka ri lum Jaiñtia ban wan ïashim bynta sha kane ka lympung ïalehkai Badminton.
