Shillong, Naitung 07
Ka Khasi Jaiñtia Presby-terian Synod Sepngi lyngba ka Agency for Sus-tainable Development Initiative (ASDI) kan pynlong ïa ka Shillong Run 10k 2025 ha ka 2 tarik u Nailar ha ka por 5:30 mynstep na Parking Lot Polo.
Ha kane ka kynti kaba mynta ka tnat Social Welfare jong ka Sorkar Jylla ka la wan shakhmat ban ai jingkyrshan halor kane ka jingthmu ban pyn -long ïa kane ka jingïakop mareh kaba long shi bynta ban pynsngewthuh ïa ka jingeh bad ka jingïa-ryngkat bor ki briew kiba duna ha ki dkhot met, kaba ar ka long ban pynmih pisa na ka bynta ki projek kiba ka Synod ka la seng na ka bynta ki briew kiba don jingduna ha ki dkhot met, kata ka Mairang Vidyajyoti Secondary School bad ka Com-munity Based Rehabilitation Program-me Mairang.
Haba pynpaw sha ki lad pathai khubor ha ka Lah Sngi U Blei, u Rev S.C Diengngan u la ong ba kino- kino kiba don ka jingthmu ban ïashim bynta ha kane ka jingïa-kop ki lah ban pynrung kyrteng ïalade da kaba phone ha ki number 8787545266 & 89747-61582 ne ha ka website www.afsdi.org. Shillongrun2025.
Haba ïadei bad ka rai pynrung kyrteng ïa kito kiba hapoh 15 snem na kane jylla ka dor ka long T.300 na ka bynta ki kynthei bad shynrang, nabar jylla ka dor ka long T.400, bad ïa kiba 15 snem shaneng haduh 18 snem ka dor ka long T.400 na ka jylla bad ïa kiba nabar jylla ka dor long T. 500, ïa kiba 18-35 snem kiba na ka jylla ka dor ka long T.800, bad ïa kiba nabar jylla ka dor ka long T. 1000, bad ïa kiwei-kiwei ki kyrdan ïakop naduh 35-45-55-65 ka dor ka long T. 600 bad ïa kiba nabar jylla ka long T.700.
Shuh shuh u la ong haba ïadei bad kito kiba duna dkhot met kin don tang ar bynta kata ha ka Junior hapoh 15 snem bad 15 snem shaneng ha kaba kim donkam ka bai pynrung kyrteng.
U la bynrap ba ka jingpynrung ïa ki kyrteng na ka bynta ka Shillong Run kan kut ha ka 28 tarik mynta u bnai.
Katei ka jingïakop mareh ha ka kyrdan Senior kan sdang na Parking Lot Polo, Lawmali, Commu-nity Hall Jaïaw, Lumpyl-lon Jaïaw, St Joseph, Jaïaw Pdeng, Riatsamthiah, Um-sohsun, GS Road, Khyn-dailad, DC Office, Raj Bhavan, Barik Point, Malki Point, Dhankheti Points, Don Bosco Square, Shillong College, Shillong Commerce, PGT College, BK Bajoria school, Sawfurlong, bad pynkut ha Parking Lot Polo.
Na ka bynta kiba 15 snem bad kiba duna dkhot met ka jingsdang ka long kumjuh haduh Khyndai-lad bad na Khyndailad kin ïaid lyngba ka Hotel Pegasus, Hotel Polo Towers bad kin poi ha Parking Lot Polo.
Ka khusnam na ka bynta ki nongjop ha ka open category (18-35 snem) kan long T. 55,000 ba wan nyngkong, T. 35,000 hajar ba wan ba-ar bad T. 25,000 ba wan balai. Haba ïadei bad kiwei-kiwei ki kyrdan ïakop, ba wan nyngkong kin ïoh T. 6,000, T. 4,000 bad T. 3,000 ïa kiba wan ba nyngkong, ba-ar bad balai bad kan don ruh ki khusnam consolation ïa kiba wan ba saw haduh ba hynñiew ïa kiba 18 haduh 35 snem bad kiba duna dkhot met.
Shuh shuh u la kyntu ïa baroh ba kin wan shim ïa ki bib bad ki chest number napoh ka shlem treikam jong ka KJP Synod Sepngi Mission Compound ha ka 31 tarik mynta u bnai (July) bad 1 tarik u Nailar naduh ka por 11 baje haduh 5 baje janmiet.
