Shillong, Naitung 07
U Branch Manager jong ka UCO Bank, Jowai, West Jaiñtia Hills District, u la ujor sha ki pulit ba uwei u briew ba la tip kyrteng kum u Ram Chandra Sah hadien ba u la ïoh ïa ka ram kaba T.12 lak tam u la phet noh sha la ka jylla ha Bihar.
Katkum ka khubor na ki pulit la ong ba ha kane ka jingujor, u Branch Manager ka UCO Bank, u la ong ba ha ka 27 tarik mynshem bnai, ka bank ka la ai ram ïa utei u briew haduh T.12,59.705/-, hynrei haba ki la leit ban peit ki la ïoh jingtip ba utei u briew u la phet sha la ka jylla sha Bihar.
Ki pulit jong ka thanat Jowai ki la register ïa kane ka ejahar bad ka jingtohkit ka la ïaid ban lap ïa utei u briew uba la shah ujor ba la phet hadien ba la ïoh ïa ka ram.
