Shillong, Naitung 07
Ka pisa kaba long palat ïa ka T.7 lak, kaba dei jong ka Department of Post, ka la jah rngai bad ïa kane la lap ha ka jingpynlong jingpynshisha kaba hapoh bad jingtohkit.
Katkum ka khubor na ki pulit la ong ba ka Oinam Nishita ha ka 3 tarik mynta u bnai ka la ujor sha ki pulit ba ha ka por ba dang leit ban jurip la shem ba ka pisa T.7,45,180/- kaba dei jong ka Department of Post kaba hap ha ka jingpeit jong u Koppula Bhanu Prakash kam don shuh.
U Koppula Bhanu Prakash, GDS, Branch Postmaster (BPM) ha Kynrut kynthup ïa ka Laitbyrsu Branch Post Office kiba hap hapoh jong ka Eastern West Khasi Hills District bad ïa katei ka pisa la lap ba kam don shuh bad ha ka jingujor sha ki pulit la suba ba la pyndonkam bakla da u Koppula Bhanu Prakash.
Halor kane ka jingujor na ka liang jong ki pulit ki la register ïa ka ejahar bad ka jingtohkit ka dang ïaid ban lap ïa ka jingshisha baroh ha kaba ïadei bad ka jingkynnoh ba ka pisa ka la jah na ophis bad ka jingsuba ba la pyndonkam bakla da u Koppula Bhanu Prakash.
