Jowai, Naitung 07
Ki Karbi ki la bteng biang ban pyni bor da kaba thang ïa ki lai tylli ïingtrep jong ki nongrep ka shnong Lapangap ha West Jaiñtia Hills District.
Kane ka la jia wat hapdeng ka jingpahara jur jong ki pulit na baroh arliang kiba la don ha katei ka jaka naduh ba la khie ka jingïakynad hapdeng ki arliang mamla naduh ka 10 tarik u Jylliew, 2025.
Katkum ka jingïathuh jong u Waheh Shnong ka Lapangap u Ma Deimon -mi Lyngdoh halor kane ka jingjia, u la ong, kane ka jingshah thang jong ki ïingtrep ka la jia ha ka janmiet jong ka Sngi U Blei ka 6 tarik bad kum-juh ha ka step phyrngab jong ka Lah Sngi U Blei ka 7 tarik.
U Ma Deimonmi u la ïathuh ba ki Karbi ki la thang ïa ki ki lai tylli ïingtrep kynthup ar tylli ha Lumpynthor bad kawei hajan shnong.
Ïa kine lai tylli ki ïingtrep la dei trai da ka Kong Pishianti Shylla bad u Peacefull Bhoi kaba la shah thang ha ka 6 tarik bad kawei pat ka ïingtrep ba shah thang hajan shnong la dei trai da ka Kong Shaniahlang Pyrpet.
