Shillong, Naitung 08
Ar ngut ki khynnah ïalehkai ka Jylla ki la khur ïa ki takma ksiar ha ka Rhyno Cage Fight (RFC) ba la pynlong da ka Assam ha Dibrugarh ha ka 6 bad 7 tarik mynta u bnai.
Kine ki kynthup ïa ka Naphi-shisha Sohtun ha ka Junior Kickboxing 30 kilo bad u Klevinshai Nongbri ha ka Mixed Martial Arts jong ka Senior Feather Weight. Kine ki khynnah ki dei kiba shong bad sah ha Mawpun Umlyngka bad kiba ïalehkai ha Beast Fit-ness Gym hapoh ka jingai jing-hikai u Bah Javed Sohtun.
Ha katei ka jingïakhun jong ka Kick-boxing, ka Naphishisha ka la lah ban pynliem noh ïa ka Payal Sharma na ka Assam, katba ha ka Mixed Martial Arts u Klevinshai u la jop ïa u Rehan Ansari, uba dei lahduh ha ka jingïalehkai Mauythai.
Halor kane ka nam bad ka burom ba u la lah ban wanrah ïa ka Jylla, na ka liang ki bahaïing-bahasem, ki Seng Longkmie, Seng Samla bad ki rangbah ka shnong Mawpun Umlyngka ki la pdiang burom ïa kitei ar ngut kumjuh ïa u coach ha ka Lah Sngi U Blei naduh na Guwahati haduh ban wanphai sha la ïing.
