New Delhi, Naitung:
Kawei ka longïing nong India kaba kynthup ia u kpa, ka kmie bad 2 ngut ki khun, ka la ngat ha ka apot kaba sniewbok tam, namar baroh 4 ngut ki la ingkhong phloiñ na ka jingtyngkhuh ka kali ba ki shong bad kawei ka trok ha Dallas jong ka United States ha ka Sngi Nyngkong.
Ki pulit ka Hyderabad ki la pynithuh ia kitei ki shi-iing kiba iap kiba kynthup ia u Tejasmini, Sri Venkat lem bad 2 ngut ki khun kiba ki dang leit shang kai ban pynlut ia ka por shuti jong ki.
La ong ba kitei shi iing ki dang dep wan na Atlanta ha ka taïew ba la dep ban leit jngoh ia la ki bahaiing bad ki la ngat noh ha katei ka apot kaba sniewbok katba ki dang wanphai ha ka por ba ki poi ha Dallas.
Kane ka jingtynkhuh kali ka la jia ha ka Green County, ha kaba ka kali ba ki shong ka la kum iatyngkhuh bad kawei ka trok rit kaba wan mar pyrshah.
