Imphal, Naitung:
Ki bor pahara ha Manipur ki la pynjur ïa ka jingtreikam ha kylleng ka jylla, kaba la pynlong ïa ki ban shah kem bunsien, ban kurup ïa ki jingdih pynbuaid, ki tiar ïaleh bad ki kuli, bad ki jingpynshitom ha kaba ïadei bad ki jingpynkheiñ kyndon ha kaba ïadei bad ki kali ha kine ki khyndiat sngi ba dang shen.
Kumba la buh jingkynmaw, la ong ba ha ka 9 tarik Naitung, la kem ïa arngut ki briew ha ka jaka khmih bniah jong ki pulit ha Mao Gate ha Senapati distrik halor ka jingkhaïi beaiñ ïa ki marbam ba la khang pyrshah.
Lah ban kdew hangne ba u Ajmir Sarif bad u Iliyas Ali Shah baroh arngut ki dei kiba don ha ka rta kaba 19 snem ka rta bad kiba shong ba sah ha Thoubal distrik bad la lap ba ki don 18 tylli ki song jong u Ganja uba don ka jingkhia kumba 22 kilo bad kiba shongdor kumba T. 2.18 lak.
Ha kaba ïadei bad kane ka jingpyntreikam, la kurup ruh ïa kawei ka kali Winger Van kaba rong lieh kaba don ïa u number AS 23CC-1074, kaba pyndonkam na ka bynta ban kit jingkit.
Kane ka jingïoh kurup jong kane ka kynhun pahara, ka la long kaba jop na ka por sha ka por ba ki la pynlong ïa ki jingleit khynra.
Kane ka jingpyntreikam ka long shi bynta jong ka jingthmu ban ïaleh pyrshah ïa ki kam sniew ha ka jylla.
Nalor kane, la ïathuh ba ha kawei pat ka jingkhynra ha ka 9 tarik, Naitung, uwei u dkhot jong ka kynhun KCP (PWG) ba la shah ñiew beaiñ, ba la tip kyrteng kum u Shyamchand Singh uba la 38 snem ka rta na Senjam Khunou, u la shah kem na ki thaiñ Lamphel Super Market ha Imphal West.
Kane ka jingshahkem jong u ka long halor ka jingkynnoh ba u donkti ha ki kam dawa pisa ha ki thaiñ Bishnupur bad Thoubal.
Shuh shuh ha katei ka juh ka sngi, ka kynhun ba ïatreilang jong ki pulit ka Manipur bad ki pulit ka tnat CRPF ki la bat ïa kawei ka kali saw shaka ha jingkieng Tupul bad ki la ïoh ban kurup ïa 196 tylli ki song sabon kiba la suba ba ki dei ki drok Heroin lane u Brown Sugar, kiba khia 2.193 kg (khlem da kheiñ ïa ki song). Ki arngut ki briew ba la tip kyrteng kum u Ginminlen Haokip na Kangpokpi bad u Holminlen Khongsai na Chandel, ki la shah rah na ka bynta ka jingtohkit jong ki pulit.
Kumba ka long haduh mynta ka jingtohkit ha kaba ïadei bad kane ka dang ïaid shakhmat.
