Shillong, Naitung 11
Ki jingïalehkai ha ka Sngi Thohdieng, 11 tarik u Naitung 2025 jong ka lympung 4th Division Under- 20 Football League 2025 ha madan SSA Football Stadium, Shillong ka dei ka jingïalehkai ba nyngkong ha ka por 1:30 nohphai sngi hapdeng ka Pommura SC pyrshah ïa ka Mawphlang SC. Ka Mawphlang SC ka la jop da 2-0 kol. Ïa kine ki kol la thep da u Donborlang Nongsiej ha ka minit 1 bad u Wickystar Khongwar ha ka minit ba 65.
Ha ka jingïalehkai babud ha ka por 4 baje janmiet ka Mawkasiang SC ka la jop da 3-0 kol ïa ka Dilingiem SC. Ïa kine ki kol la thep da u Hame Dao Nongtdu ha ka minit ba 66 & 74, bad u Lamshai Jana ha ka 71 minit.
Lashai ka Sngi Saitjain, 12 tarik Naitung 2025, ki jingïalehkai jong kane ka lympung ha kajuh ka jaka ki long, ka jingïalehkai ba nyngkong ha ka por 1:30 nohphai sngi ka Mawnianglah SC pyrshah ïa ka New Challenger FC, katba ha ka por 4 baje janmiet ka Krang SC pyrshah ïa ka Iateilang SC.
