Khliehriat, Naitung 13
Ka Moolang SC, Lumshyr -mit SCSC bad Suchen Lumïarain SC ki la ioh jingjop ha ka lympung ïalehkai 3rd Division League Stage ba la pynïaid da ka East Jaiñtia Hills District Football Association (EJHDFA).
Ha ka jingïalehkai kaba la long ha ka sngi Saitjaiñ ha madan Artificial Turf Diengshyn-rum, Khliehriat, ka Moo-lang SC ka la pynliem noh da 2-1 kol ïa ka Umrasong SCC. Ïa ki kol jong ka Moolang la thep da u Riping Dkhar ha ka minit kaba 4 & 74, katba u Josting Papiah u la lah ban pynphai ha ka minit kaba 17 na ka bynta ka Umrasong.
Ha ka jingïalehkai kaba bud, ka Lumshyr-mit SCSC ka la jop da 3-1 kol ïa ka Pynurkba Christian. Tang mar ïasdang ka jingïalehkai ka Pynurkba Christian Youth ka la pynkhih jar nyngkong eh lyngba u Kitbok Pdang ha ka minit kaba 5, hynrei ka Lumshyrmit ka la wanphai da ka jingkhlaiñ bor na ka bynta ban pynphai kylla haduh lai kol lyngba u Bikel Khaïi (6), Blining Dkhar (21) bad Khroo Dkhar (25).
Haba phai sha kawei pat ka jingïalehkai, ka Suchen Lumiarain ka la pynrem noh ïa ka Dkhiah East SC da 2-0 kol. Kane ka la wan urlong lyngba ki kol ba la thep da u Join Khaïi (42) bad u Shar Sumer (61).
