Nongpoh, Naitung 13
Ki pulit ka thanat Patharkhmah ha ka Sngi Saitjaiñ ki la ïoh ban kem noh ïa ki lai ngut ki briew kiba donkti ban tuh ïa ar tylli ki kali ar shaka ba kynthup ïa kawei kaba don ïa u registration number AS01-BP-3392 bad kawei pat kaba don ïa u registration number AS01-BJ-0921.
Kitei lai ngut kiba la ngat ha ka shrip jong ki pulit ki dei ba la tip kyrteng kum u Shemlad Wahlang (25 snem) bad Bachelor Wahlang (26 snem) kiba dei na ka shnong Patharkhmah bad u Tailan Makri (23 snem) na ka shnong Warmawsaw.
Ha kaba ïadei bad kane ka jingjia, na ka liang jong ki bor pulit ki dang pynlong ïa ka jingtohkit ban lapdien shuh sa ïa kiwei pat kiba donkti bad kiba don bynta halor kane ka kam tuh kam thiem.
