Shillong, Naitung 14
Kawei ka kali Alto ka la julor na ki bynta shakhmat hadien ka jingshah tynrah ha kawei ka trok kaba la jia ha ka janmiet jong ka Lah Sngi U Blei.
Katkum ka khubor kaba la ïoh, kane ka kali Alto kaba don ïa u registration number ML10-A-0785 ka la shah tynrah noh ha kawei ka trok kaba don ïa u registration number AS31-C-1788 haduh ba ka bynta ba shakhmat jong ka Alto ka la julor bad pra phom.
Kane ka jingjia ka la jia ha ka bynta jong ka surok ban hiar sha ka ophis jong ka Shillong Municipal Board bad ka la jia ha ka por kumba 8.25 eiei mynmiet. La ong ba hadien ka jingtynrah ïa ka kali Alto, u nongñiah jong kane ka trok u la phet krad noh na kane ka jaka.
Haduh ba la thoh ïa kane ka khubor ym pat lah satia ban tip ïa ka daw tynrai halor kane ka jingjia shah tynrah kali.
