Raphael Warjri
Haba kdew ïa ki ktien ba kordor bad kynsai ha ka ktien tynrai, ym biang ban kheiñ dewthala ïa la ka ktien kmie da kaba hun bad tngen da ka ba shim kylliang na ka ktien nongwei. Katba lah ki ktien kordor bad kynsai ki dei ban long kiba shongkhia shongkun ym tang haba kren khana hynrei ha ka thoh ka tar ruh kumjuh. Kaei ka ba thmu ban kdew ka long ba kat ha ka thoh ka tar ne ka thohkot thohsla la dei ban phikir ban ym tohhoh da ka ktien nongwei bad ban pynneh da la ki ktien tynrai. Wat lada dei ban shna thymmai ruh lada ka ktien ka long kaba suk ban sngewthuh, ban kren ne thoh bad kaba sngewtynnad ban shahshkor katta ka long ka ba biang ban kynthup kum ka ktien Khasi tynrai. Hynrei ïa ki ktien ha iew ha hat ha lynti syngkien khamtam kiba la sngewthuh paidbah bad la pdiang kum ki ktien Khasi, te ym da pher than ban kynthup kumba la bteng ban kdew biang kumne harum :
Football (phutbol) kaba mut Ka jingïalehkai phutbol
Almaaree (almari) Hindi ka thiar kynshew mar mata
Atashkhaneh (atoskhana) Persian kaba mut u noi pyllait tdem na tnum ïing
Baaltee (borti) Hindi ka pipa rit ba rah um
Bottle (bitor)- English U kum, klong, buïam. Teng teng la ju ong ruh u bilor.
Belaca (Belsha) Bangla ka siang lynghang ba khat khyndew ne shyiap
Chhabi (shabi) Hindi ka atiar ban khang bad plie ïa ka tala
Chhata (shatri) Hindi ka tiar knup ba da sngi da slap
Chhamash (shamoit) Hindi ka tiar siang barit
Chhaka (shaka) Bangla ka shalyntem
Chillum (shilim) Hindi Ka tyndong duma lyngba u noi ba pynlang um
Chinee (shini) Hindi ka mar ba pynthiang ïa ka bam ka dih.
Chisel (Paiñtali) kaba mut u shniah ni siah ne pong dieng lyntang (tyllong ym tip)
Cork (kak) English u tiar ba set ne khang ïa u kum
Gaadi (kali) Hindi ka atiar kor tyllun ba kit briew ne kit mar
Gulab (tiewkulab) Hindi u syntiew kulab
Chiraag (sharak) Hindi ka dingkum ne dongmusa rit
Golee (Kuli) Hindi u namsiat da ka atiar siat pynmynsaw ne pyniap.
Jug (jok) English u kum buh um dih
Kagaz (kot) Hindi Ka sla kot ba thoh ne shon dak ne dur
Kalam (khulom) Hindi u atiar thoh dak da ka sia ha ka kot
Karakhana (karkhana) Hindi ka shlem shna atiar
Karata (kurat) Bangla ka atiar ot dieng da ki shreng bniat nar
Kettle (ketli)- English Daron (Bhoi)
Khilkee (khalki) Hindi ka pongshai na kynroh tyrpait
Karanee (Korni) Hindi ka atiar sbor ne lape dew bilat pynplih
Kursee (shuki) Himdi ka knor shong bad shaniah met
Mez (miej) Hindi ka knor kynjang buh mar ba pyndonkam noh mar mar.
Mithayee (mithai) Hindi ka marbam bathiang
Pistol (Pistol) French ka atiar siat ba thep da u namsiat ban bsiat sha ki jynthaw.
Plastic (plastik) English ka slajri ba jem ne eh katkum ki mar
Randeh (Rynda) Persian ka atiar oh pynjlih da kaba khoh stang snep
Sarak (Surok) Hindi Ka Lynti ïaid kali ne ki paidbah
Sanduk (synduk) Hindi u sup kriah ne trop kynshew mar
Sweetmeat (mitmit) English ka jingbam thiang ki khyllung khynnah
Taala (tala) Hindi ka kor khang khyrdep ïa ka dwar
Tussock (tyrsok) English ka mar siangthiah barben bad jemmet
Wall plaster (biar) kaba mut ka kynroh ba sbor bad lape shun (tyllong ym tip)
Ki don ki ktien ki ba la pynsngewthuh ha ka imlang sahlang ba ki dei kiba shim kylliang na ka ktien Persia, ïa kaba dang dei ban bishar bniah bad tih sani bha ban lap ïa ka jingshisha. Kita ki ktien la kam da mano re ba ki dei ka tyllong na ka ktien Persia.Kumta ym dei ban pynksan khlem ki ñia, hynrei ynda la bishar bniah bad tih sani ban pynwandur artat katkum ki kyntien, lehse lah ban shem lynti ban sngewthuh ïa kine ki ktien harum :
Persia – English Khasi
Borabor- always barabor
Binai – month bnai
Dana – pulse dana
Darbar – royal court dorbar
Dera – tent dara
Dir – late dier
Dozakh – hell dujok
Dua – pray duwai
Haq – truth hok
Hokam- verdict hukum
Jaygah – position jaka
Jazagh – frog jakoid
Khamsh- pinch, pierce ksam
Khatma – termination kut
Khusni – promiscuous kusbi
Khwah – wish kwah
Kti – how much katno
Pab – father pa
Pahra – sentinel pahara, phira
Palang – bed palong
Piri dumoy- world pyrthei
Randeh- wood planer rynda
Raqam – custom rukom
Shaitan – devil soitan
Ustad – intelligent stad
Wahd – a type of territorial head wahadadar
Zabar – force jubor- ju ka dei ba ?ai long; bor dei ka jingkhlaiñ
Zakhm – hard jakhom
Zam – cold kjam
Zar – gold, cry ksiar
Zur – pair, force jur- ar tylli/ ba lah palat
Halor kitei ki ktien ba la kdew haneng, ki dang byllai ki ba ym pat lah ban pynthikna pura bad dang sohkyrdot ka jingmut ba khlem da ïahap eiei. Ban kam trai ïa ka ktien ka don kaba marmlien da kino kino ki bynriew ba kham khlaiñ bor ha kiba bun ki liang ba kin ïuhroit ïa ki bynriew kiba kham tlot bad ritpaid. Tang hangne paramarjan jong ka thaiñ shatei lammihngi ruh lah ban ai nuksa kum ‘kwai’ ka dei tynrai Khasi, hynrei ki la kam ba dei na ka ktien Assamese ‘guwa’, nangta ka meikha ‘Kamakhya’, aiñ – ‘aain’ bad kumta ter ter. Kumta dei ban pynksan katkum ka ñia ïa kawei pa kawei ka kyntien ba la kam trai da kiwei. Lada shu pyrkhat ïa kaei kaba ju ïailong ka ktien ka mih na kaba kren ki bynriew bad ka sa thaw jingmut ha ka imlang sahlang haduh ba ynda kylla ka ktien kmie ne ktien tynrai ha ka deiriti jong ka jaitbynriew
