Kentucky, Naitung:
Uwei u ‘riew kieng-atiar, u la synreit kuli bad shim ia ka jingim jong ar ngut ki kynthei ha kawei ka ïingmane ha Kentucky bad u la siat bad pynmynsaw ia uwei u shipai shabar jong ka Kad Liengsuiñ ha ka Sngi U Blei, shwa ba ki pulit kin ioh ban siat iap shisyndoh ia u.
La ong ba kitei ar ngut ki kynthei ki la shah siat ïap ha ka ïingmane Baptist Richmond Road hapoh Lexington. Ar ngut ki shynrang ruh ki la mynsaw ha katei jingjia, kynthup uwei uba don ha ka jingshitom kaba jur, ong u heh pulit jong ka Lexington, u Lawrence Weathers, ha ka jingïalang bad ki nongthoh khubor ha ka por mynstep.
Wat la katta, la ong ba ki bor pyniaid kim shym la pynpaw ia ka kyrteng ne ka rta jong utei u briew.
La ong ba utei u runar u la siat ïa utei u shipai hadien ba u la shah tan hajan ka Kad Liengsuiñ Blue Grass ha ka por kumba 11:30 baje mynstep ha Fayette County, ong u Weathers. Ka jingshah siat ka la jia ha kawei ka surok kaba ïaid sawdong ia katei ka Kad Liengsuiñ.
