Ka jingai kyrteng ïa ka Jylla Meghalaya da u Dr. S. P. Charterjee ka long ban pynjah kyrteng ïa ngi ki Khasi bad Garo. Haba ïa ka Jylla la ai kyrteng “Meghalaya” kaba mut ka Jylla ki lyoh. Te ngi ki Khasi bad Garo shaei keiñ ngin poi. Peit ha kiwei kiwei ki Jylla ka North East kum ka Jylla Nagaland, Mizoram, Manipur ki ai kyrteng ïa ka Jylla da kaba shim bad pynïahap bad ki briew ba shong ba sah hapoh ka Jylla.
Katba ha Jylla jongngi ki briew kiba shong ba sah ïa tip kum ki Khasi bad Garo, katba ïa ka Jylla la ai kyrteng da kumwei te shano kane kan ïalam. La tip ïa ki briew da ki Khasi bad Garo katba ïa ka Jylla la dei ban ai kyrteng ïa ka Jylla da ka Khasi bad Garo state, pynban la ai da ka kyrteng Meghalaya. Kane ka thew ba ki Khasi bad Garo kin duh jait ha ka pateng ba hadien habud. Ka jingleh ka Congress ka la long ka apot sepsngi ïa ngi ki trai Bri trai Muluk.
Kata bun kiba ieit ïa ka seng Congress kum ka seng kaba pynioh Jylla bad kaba ieit riewlum ki ong. Nga te ngam sngewtynnad ïa ka seng Congress namar ka long kum u khwai hapoh u wieh na jrong. Dei kane ka kyrteng Meghalaya kaba nga sngewdiaw ïa ka seng Congress. Dei ha ka por ka Indira Gandhi kaba pynioh Jylla ïa ngi ki Khasi bad Garo.
C. B. Iawphniaw
