Shillong, Naitung 16
U Assistant Geologist jong ka Directorate of Mineral Resources u la ujor da ka ejahar pyrshah ïa ki trai dewïong kiba la pynkynriah da ka bor ïa u dewïong.
Katkum ka khubor na ki pulit ba la ai lyngba ka website jong ki, la ong ba ha kane ka ejahar ba la ujor, la ong ba ha ka 20 tarik u Jylliew, 2025 ki trai dewïong ki la kit bad pynkynriah da ka bor ïa u dewïong uba don haduh 5297.4 metric ton, kata u dewïong uba la pynlang bad pynpoi da kiba bun ki trai dewïong na ka bynta ban die lilam da ka Coal India Limited (CIL).
Une u dewïong ba la kit bad pynkynriah jubor da ki trai, u dei uba la pynlang ha ka Depot-9 kaba don ha Kyllongmathei ha West Khasi Hills. La ong ruh ba kane ka jingkit bad pynkynriah la leh khlem da ïoh jingbit na ki bor ba dei khmih.
