Shillong, Naitung 16
Ka Meghalaya Football Association (MFA) ka la dep pynbit pynbiang ïa ka kynhun ïalehkai ban mihkhmat ïa ka Jylla sha ka Junior Boys’ National Football Championship 2025 (Tier 1) na ka bynta ka Dr. BC Roy Trophy.
Kane ka lympung kan long ha Amritsar ha kaba ka Meghalaya ka la don ha ka Group-B kaba kynthup lang ïa ka lahduh mynshem snem ka West Bengal, Kerala bad ka Tamil Nadu. Te, ka jingïalehkai kaba nyngkong jong ka Megha-laya kan long pyrshah ïa ka Kerala ha ka 21 tarik mynta u Naitung.
Na ka liang ka MFA ka la jied ïa 20 ngut ki rangïalehkai kiba kynsai hapoh ka jingïalam u coach Bah Seibor Sana.
Ha ka jingïalang ban ai kitbok-kitrwiang bad kyr-khu-kyrdoh ïa kane ka kynhun, la ïadon lang u President ka MFA Bah Hamletson Dohling, u Vice President Bah Cliff Nongrum bad u dkhot (executive member) Bah Freddy Kharpran. Na ka liang kine ki nongïalam ba rangbah ki la ai khublei kitbok-kitrwiang ïa ki nongïalehkai lem bad ki coach ba kin nangkiew shaphrang bad ki la ai mynsiem ruh ba kin ïakhun tyngeh na ka bynta ban ïoh ïa ka jingjop bad ban rah ïa ka lama ka Jylla ha kane ka lympung.
Kumba ka paw ha u snem ba la dep, ka jingïaid lynti ka Meghalaya ka la poi sha kaba kut tang ha ka jingïalehkai group bad ka la wan ha ka kyrdan balai ha ka Group-C.
Kiwei pat ki jingïakhun jong ka Jylla kin long pyrshah ïa ka West Bengal ha ka 23 tarik bad ïa ka Tamil Nadu ha ka 25 tarik.
Ka kyrteng ki rangïa-lehkai ki long u Daneh-skhem Ronghang, Dasuk Banphrang Diengdoh, Skhemlang Marthong, Medonbanshan Kurkalang, Robindor Kyrsian, Venand Brandon Marboh, Baniar Kharsahnoh, Mewanpyn-tngen Lyngkhoi, Prosper-well Ryntong, Yeomanly-son Shadap, Shanborlang Khongjee, Melvinstar Lyngdoh Nongbet, Clif-ford Buam, Marc R Marak, Alvin Kharbani, Chanjib Chetry, Aiborlang Mulieh, Seibok Lyngdoh, Aryan Nongkhlaw bad u Thrisilbirth A Sangma.
Ki coach ki long u Bah Seibor Sana (head coach), Henry Marboh (assistant coach), Banshailang Soh-tun (manager) bad Diangtihun Kharkongor (physio).
