Shillong, Naitung 16
U Superintendent of Police ka EKH, Bah Vivek Syiem u la pynbna ba naduh ka 8 tarik mynta u bnai, u Bah Anthony Lurshai Dohling, 39 snem, u khun jong ka Kong Lucia Mary Dohling, ba shong ba sah ha Umpling Dongsharum, Shillong u la jah rngai ha Sohrarim.
La pyntip ruh ba u Bah Anthony, u don ïa ka rynïeng kumba 5.4 phut, kham dum ka sniehdoh, ka met ka phad kaba kham biang, u shñiuh ba ïong, u kham jam ka sur, bad u don ïa ka dak Tattoo na ka kti kadiang, la ïathuh ha kane ka sngi kaba u jah u la phong ïa ka jacket, ka patlun ïong bad ka juti jngem rong.
Kumta na ka liang ki pulit bad ki bahaïing bahasem, ki la kyrpad ba lada mano-mano kiba la ïohi ne lap ïa u Bah Anthony ba kin pyntip bad ban phone ha ki number sha ki bor pulit ha u number 6009196479 sha ka Police Control Room, lane sha ka thanat Sohra ha u number 6009331929 lane in-charge missing desk ha u number 8837282114.
